Mae SEREN Connect wedi ennill gwobrau dwbl yn yr rhaglen Ansawdd mewn Gofal Diabetes (Quality in Care Diabetes).
Dyma beth mae pobl yn ei ddweud amdano.
Rhaglen Addysg Diabetes y Flwyddyn 2020
Sylwadau’r beirniaid:
“Mae prosiect SEREN Connect wedi nodi mai un o’r problemau mawr ym maes addysg pediatrig a phobl ifanc yw nad oes unrhyw raglenni cenedlaethol ac mae llawer o bobl wedi bod yn ceisio eu datblygu heb lwyddiant gwirioneddol. Mae'r gwaith hwn wedi gwneud hynny ac mae hefyd yn hynod arloesol, ac mae’r canlyniadau’n wych."
Enillydd Gwobr Arbennig y Beirniaid 2020
Sylwadau’r beirniaid:
“Mae prosiect SEREN Connect yn drawiadol iawn, ac mae’r canlyniadau’n rhyfeddol. Mae’n ddefnydd effeithiol iawn o amser, arian ac adnoddau clinigol, gan ddangos cyfranogiad sylweddol gan grŵp o gleifion sy’n anodd ei gyrraedd. Mae’n adnodd sydd wedi’i ddatblygu’n ofalus ac sy’n cynnwys ystod eang o randdeiliaid, gan gynnwys pobl ifanc, sy’n llenwi bwlch yn y gwasanaeth ac sy’n lleihau amrywiadau mewn gofal pontio. Mae’n amlwg yn cael derbyniad da gan bawb, ac mae nifer y gweithwyr iechyd proffesiynol sydd wedi’u hyfforddi yn adlewyrchiad o ba mor eang y mae wedi lledaenu.”
Cyfranogwyr
16 mlwydd oed
'Ei fod yn gynhwysol.'
'Anffurfiol a hamddenol iawn.'
'Gallu dysgu mwy am fyw gyda Math 1 yn ogystal â chwrdd â phobl newydd.'
'Teimlo'n llai unig, gan wybod bod gan fwy o bobl ddiabetes Math 1.'
'Doedd dim beirniadaeth ac eto roedd yn dal i fod yn bersonol ac roedd modd uniaethu ag ef.'
17 mlwydd oed
'Cyngor ac awgrymiadau cyfeillgar, cynorthwyol, llawn gwybodaeth a defnyddiol iawn'
'Roedd yn cynnig gwybodaeth ddefnyddiol iawn na fyddwn wedi’i gwybod o'r blaen.'
'Pa mor gyfforddus roeddwn i’n gallu mynegi sut roeddwn i'n teimlo.'
Dros 18
'Fe wnes i fwynhau strwythur y sesiwn ond hefyd roedd yn ddigon hyblyg fel bod pawb yn teimlo eu bod yn gallu cymryd rhan a siarad am amrywiaeth o bynciau/profiadau.'
'Dysgu sgiliau newydd a phethau pwysig i'm helpu i reoli fy niabetes drwy gydol fy amser fel oedolyn.'
Gweithwyr Gofal Iechyd Proffesiynol / Hwyluswyr SEREN Connect
'Rwy'n hoff iawn o natur ymarferol y sesiynau, yn canolbwyntio ar yr hyn a fyddai'n ddefnyddiol i bobl ifanc/oedolion ifanc. Mae’r amrywiaeth o weithgareddau yn dda. Mae'n plesio gymaint bod sesiwn gyfan ar lesiant emosiynol, ac mae'r adnoddau'n wych.' – Nyrs Arbenigol Diabetes
'Yn syml, mae'r adnoddau’n wych! Mae ein tîm yn eu caru.' - Endocrinolegydd Pediatrig
'Mae'n ymdrin â phob pwnc defnyddiol sydd ei angen ar unrhyw berson ifanc ag anghenion diabetes Math 1 ac yn ymdrin â'r rhesymeg y tu ôl iddo. Mae’n eich annog i feddwl sut rydych chi'n esbonio pethau i bobl ifanc.' – Deietegydd Diabetes Pediatrig
'Roeddwn yn fy nagrau wrth fyfyrio ar y noson ar ôl cyrraedd adref ac yn teimlo'n hynod o freintiedig i fod wedi gallu cymryd rhan. Roedd yr adnodd canllawiau i gynnal y sesiwn yn wych, mor hawdd i'w ddilyn ac fe weithiodd y gweithgareddau mor dda gan ddechrau sgyrsiau.' – Nyrs Arbenigol Diabetes Oedolion
'Mae wir yn rhaglen wych!' - Seicolegydd Clinigol